товч танилцуулга

Хэнтий аймгийн Бэрх тосгоны ЕБС нь 2021-2022 оны хичээлийн жилд хичээлийн I, II байранд өдрөөр 475 сурагч, удирдах 1, гүйцэтгэх 40, туслах ажилтан 21 хүний бүрэлдэхүүнтэйгээр үйл ажиллагаагаа сургуулийн тав тухтай орчинг бүрдүүлэн ажиллаж байна.　 Багш нарын 68,5% нь мэргэжлийн зэрэг цолтой, магистр-3, мэргэжлийн багшаар 100% хангагдсан.

            Захирал Ө.Цолмонбаатар, сургалтын менежер С.Жаргалцэцэг, Б.Болортуяа, нийгмийн ажилтан А.Алгирмаа нарын удирдлагын бүрэлдэхүүнтэй 3 заах аргын нэгдлийн багш нар хичээл сургалтын үйл ажиллагааг цахимаар болон танхимаар хослуулан амжилттай зохион байгуулан ажиллаж байна.

           

            БИД “Багш суралцагч хүүхэд бүрийн хөгжлийн төлөө хамтдаа”  уриатайгаар сургалт хүмүүжлийн үйл ажиллагааг амжилттай хэрэгжүүлж , суралцагчдынхаа шинжлэх ухаан, урлаг, спортын тал бүрийн авьяасыг нээн илрүүлж хөгжүүлэх үйлсдээ бахдам амжилт олсон хамт олон юм.

            Хичээлийн I байранд 14 анги танхимд  6-12-р ангийн 13 бүлгийн 255 суралцагч, хичээлийн II байранд  6 анги танхимд 1-5-р ангийн 10 бүлгийн 250 суралцагч тус бүр 2 ээлжээр хичээллэж байна. 

 БСШУЯ-ны санхүүжилтээр 2017, 2018 онуудад Сургуулийн тэтгэлэгт хөтөлбөрийн шалгаруулалтаар 6000$ хөрөнгө оруулалтаар 2 удаагийн төсөл хэрэгжиж 1-5 ангийн сурагчдын дунд даралтат хөгжим тоглох, соробан сампингаар бодож сурах, unimat төхөөрөмж ашиглан бүтээл хийх, сургуулийн сурагчдын ТV нэвтрүүлэг бэлтгэх зэрэг хүүхэд хөгжих нөхцөл бололцоо бүрдэж ач холбогдлоо өгч байна.

2016 онд Японы ЭСЯ-ны “Өвсний үндэс ” хөтөлбөрийн санхүүжилтээр 165 сая төгрөгний  дээврийн засвар, 2020 онд сантехникийн их засвар, 150 хүүхдийн дотуур байр шинээр баригдаж байна.

Хүүхэд хөгжүүлэх чиглэлээр шатар, сагсан бөмбөг, волейбол, зураг, сэтгэх чадвар, самбо, жудо, чөлөөт бөх, үндэсний бөх, бадминтон, мэтгэлцээн, бүжиг, даам, хүүхэлдэйн урлал,  үндэсний хөгжим зэрэг дугуйлан секцүүд амжилттай хичээллэж аймаг, улсын чанартай уралдаан тэмцээнүүдэд тогтмол амжилт гаргадаг.

 

                    1991 - 2022 онуудад ажиллаж байсан  захирлууд

№	Овог нэр	Ажиллаж байсан он
1	Д.Алтангэрэл	1989 – 1997
2	Д.Сүхболд	1997 – 1999
3	О.Ганбат	1999 – 2000
5	Г.Дэлгэрмаа	2000 – 2002
6	А.Намсрайжав	2002 – 2005
7	Х.Баасанжав	2005 – 2009
8	А.Намсрайжав	2009 – 2013
9	Л.Оюунгэрэл	2013-2021
10	Г.Бат-Учрал	2021-2022

11

Ө.Цолмонбаатар

2022 оноос одоог хүртэл